මෙම වර්ෂයේ හජ් වන්දනාව මුහම්මද් නබිතුමා විසින්ම මෙහෙය වන බව හතර දිශාවට දැනුම් දෙනු ලැබිණි. මුහම්මද් නබිතුමා සමග හජ් වන්දනාවෙහි නිරත වීමට හැකි වීම හේතුවෙන් සෑම දිශාවකින්ම ජනතාව හජ් වන්දනාවට ඇදී එන්නට පටන් ගත්හ. මෙම වර්ෂයේ හජ් වන්දනාව විශේෂ වූ එකකි. ශතවර්ෂ ගණනාවකට පසුව මෙම හජ් වන්දනාවෙහි සියලු ජනතාව එකා මෙන් එක් දෙවියකු පමණක් වන්දනා කරනු ලැබේ. මුහම්මද් නබිතුමා ඔහුගේ සියලු භාර්යාවන් ඇතුළු තිස් දහසක සෙනඟක් සමග මදීනාවෙහි සිට මක්කාව බලා පිටත් විය. මක්කාවට සේන්දු වූ වහාම ඔහු තම ඔටු පිට සිට අල්ලාහ්ගෙන් මෙම නිවස අල්ලාහ්ව ප්‍රශංසාවෙන්, සම්පත් වලින් සහ සත් භාවයෙන් පිරේවා යන්නෙන් අයාචනා කළේය. පසුව ඔහු හජ් වන්දනාවෙහි චාරිත්‍ර සියල්ල ඉටු කළේය. මෙතෙක් මක්කාවේ කිසිවකු හජ් වන්දනාව සම්බන්ධයෙන් ඉටු නොකළ චාරිත්‍රයක් වූ මක්කාවට කිලෝමීටර තිහකට පමණ ඈත පිහිටි අරෆා කන්දේ දින තුනක් රැඳී සිට ඉබ්‍රාහීම් නබිතුමාගේ පැරණි හජ් වන්දනා චාරිත්‍රය නැවත හඳුන්වා දෙන ලදි. වන්දනා කරුවන් සියලුදෙනා මෙම සියලු චාරිත්‍ර ඔවුනොවුන්ගේ මතකයන්වල අනාගතය වෙනුවෙන් තබාගත්තෝය.