ජයග්‍රහණයෙන් පසුව මුහම්මද් නබිතුමා මක්කාවට ගොස් උම්රා වන්දනාවක් ඉටුකොට මදීනාවට ගියේය. හුදයිබියා ගිවිසුම සිදුවන අවස්ථාවේ එහි පැමිණ සිටි තාකිෆ් වංශයට අයත් උර්වා නම් පුද්ගලයා ඉස්ලාම් දහම වැළඳගෙන මුහම්මද් නබිතුමා හමුවන්නට පැමිණියේය. ඔහු තායිෆ් නගරයට ගොස් ඉස්ලාම් ධර්මය ප්‍රචාරය කිරීමට මුහම්මද් නබිතුමාගෙන් අවසර ඉල්ලා සිටියේය. එවිට මුහම්මද් නබිතුමා ඔවුන් නුඹව මරා දමාවි යන්නෙන් පැවසුවේය. අල්ලාහ්ගේ දූතයාණනි! ඔවුන් මාව ඔවුන්ගේ දරුවන්ටත් වඩා බෙහෙවින ආදරය කරන්නෝය යන්නෙන් පැවසුවේය. එවිට මුහම්මද් නබිතුමා නැවතත් ඔවුන් නුඹව මරා දමාවි යන්නෙන් පැවසුවේය. නමුත් ඔහු තෙවන වරටත් අවසර ඉල්ලා සිටි හෙයින් මුහම්මද් නබිතුමා නුඹ කැමති නම් කරවු යන්නෙන් පැවසුවේය. මුහම්මද් නබිතුමා පැවසූ පරිදි නොබෝ දිනකින් උර්වාගේ ප්‍රයත්නය ආරංචි වීමෙන් ඔහුගේ නිවස වට කර ඔහුට මාරාන්තික ඊතල් ප්‍රහාරයක් එල්ල කළහ. මෙයින් ඔහු මරණයට පත් විය.
මේ අතරතුර මුහම්මද් නබිතුමාගේ වහල් කාන්තාව වූ මරියාට දාව ඔහුට පුතකු බිහි විය. ඔහුට ඉබ්‍රාහීම් යන නම තබන ලදි. මුහම්මද් නබිතුමාට ඔහුට බෙහෙවින් ආදරය කළ අතර සෑම දිනකම ඔහුව බැලීමට ගියේය.