මුහම්මද් නබිතුමාගේ ඥාති සොයුරන් වූ අලි සහ ජාෆර්ගේ සොයුරිය වූ උම්හානිගේ ස්වාමි පුරුෂයා ඉස්ලාම් දහම වැළඳගෙන නොසිටි නමුත් ඔහු මුහම්මද් නබිතුමාව තම නිවසට පිළිගත්තේය. දිනක් මොවුන් උම්හානිගේ නිවසේ රාත්‍රි කාලයේ නිදියමින් සිටියෝය. ටික වෙලාවකින් පසු මුහම්මද් නබිතුමා නැගිට කාබාව අසලට ගොස් නැවත කාබාව ඉදිරිපිට නිදා ගත්තේය. පසුව ඔහු නිවසට පැමිණ නිවසේ විසූ පුද්ගලයින් හට ඉතාමත්ම විශ්මය ජනක කථාවක් පැවසුවේය. මා නිදා සිටි විට ජිබ්‍රායිල් පැමිණ ඔහුගේ පයින් මා අවදි කළේය. මා එක වර අවදි වී වට පිට බැලුවෙමි. කිසිවක් නොදුටින් නැවත නිදා ගත්තෙමි. මෙසේ දෙවරක් සිදුවිය. ඉන් පසු තෙවන වරටද එසේ සිදුවත්ම මා නිදාගන්නට මත්තෙන් ඔහු මාව අතින් අල්ලාගෙන නැගිට්ටවා මා කැටුව පල්ලියේ දොරටුවෙන් පිටතට රැගෙන ගියේය. එහි කළින් නොදුටු වර්ගයේ සුදු සත්ත්වයකු දුටුවෙමි. මෙම සත්ත්වයා බුරාක් නම් විය. මා සහ ජිබ්‍රායිල් එම සත්ත්වයා මත නැග්ගෙමු. මෙම සත්ත්වයා ඉතාමත්ම වේගයෙන් ජෙරුසලමේ පල්ලියට ළඟා විය. එහිදී මා දෙවියන් නැමදුවෙමි. අවසානයේදී නැවතත් මෙහි පැමිණියෙමි යන්නෙන් පැවසුවාය.
මේ සියල්ල අසා සිටි උම්හාණි අල්ලාහ්ගේ නබිතුමණි! මේ සම්බන්ධයෙන් කිසිවකුට නොපවසවු. ඔවුන් නුඹ බොරු කාරයකු බව පවසා අපහාස කරනු ඇත යන්නෙන් පැවසුවාය. අල්ලාහ් මත දිවුරමින් මා මේ බව සියල්ලන්ට පැවසිය යුතු යැයි පවසා ඔහු එතැනින් නික්ම ගියේය.
මුළදී මුහම්මද් නබිතුමා විසින් ඉහත සිදුවීම් පමණක් විස්තර කළ නමුත් කල් යත්ම ඔහු ජේරුසලම පල්ලියේ සිට දිව්‍ය ලෝකයට ගිය අයුරු ද මෙලෙස විස්තර කළේය.
පසුව නැවතත් බුරාක් පිට නැග ජිබ්‍රායිල් සමග ඉතා වේගයෙන් අකාශය දෙසට පියාසර කර වෙනත් ලොවකට පිවිසියෙමි. එහිදී මා අතීතයේ පහළ වූ බොහෝ නබිවරු දැක්කෙමි. පසුව මා ස්වර්ගය දැක්කෙමි. එම ස්වර්ගයේ දුන්නක් තරම් කුඩා කොටසක් වුවද මෙම හිරුට පහළ ඇති සියලු දැයට වඩා විශිෂ්ඨය. පසුව ඉතාමත් බියකරු නිරය දුටුවෙමි. පසුව මා හට අල්ලාහ් විසින් පනස් වතාවක සලාතය (නැමදුම) සහ ඉස්ලාම් නම් ආගම ලබා දෙන ලදි. මා එය රැගෙන නැවත අහස් හත තරණය කරමින් පහළට පැමිණෙන අතරතුර මුසා (මෝසස්) නබිතුමාව මුණ ගැසුනෙමි. ඔහු මාගෙන් අල්ලාහ් මා හට කීවරක් සලාතය ලබා දුන්නේදැයි ප්‍රශ්න කළේය. පනස් වතාවක් යන්නෙන් මා පිළිතුරු දුන්නෙමි. එවිට මෝසස් පනස් වතාවක සලාතය බෙහෙවින් අමාරු කාර්යයකි. නුඹගේ ජනතාව මේ සඳහා බොහෝ දුබලය. නැවත අල්ලාහ් වෙත ගොස් එය අඩු කර දෙන ලෙස ඉල්ලනු යන්නෙන් පැවසුවේය. මේ අනුව මා අල්ලාහ්ගෙන් එය අඩු කර දෙන මෙන් ඉල්ලා සිටියෙමි. මේ අනුව අල්ලාහ් දස වතාවක් අඩු කරනු ලැබීය. නැවත මොසස් මුණ ගැසුණු විට ඔහු නැවතත් මෙය වැඩි බව පවසා තවත් අඩුකරගන්නා ලෙස අවවාද කළේය. මේ අනුව මා නැවතත් අල්ලාහ් ගෙන් මෙය තවත් අඩු කර දෙන ලෙස ඉල්ලුවෙමි. මෙලෙස කිහිප වතාවක් සිදු විය. අවසානයේ මා හට පස් වතාවක් පමණක් ඉතුරුවිය. මෝසස් නබිතුමා නැවතත් එලෙසම පැවසුවේය. මා කිහිප වථාවක් මෙලෙස ගොස් අල්ලාහ් ගෙන් සලාතය අඩුකර දෙන මෙන් ඉල්ලා සිටියෙමි. මීටත් වඩා අඩු කරන්නට මා ලැජ්ජා වෙමි යන්නෙන් පැවසුවෙමි. මේ නිසා පස් වතාවක් අල්ලාහ්ව හරි හැටි නමදින පුද්ගලයාට පනස් වතාවක පින් අත්වනු ඇත. පසුව මා නැවතත් ජේරුසලම පල්ලියට පැමිණ මෙහි පැමිණියෙමි යන්නෙන් පැවසූවේය.
ඔහුගේ විරෝධීන්ට මෙය බෙහෙවින් ප්‍රීතිමත් ආරංචියක් වූහ. මන් ද යත් දැන් මොහු බොරු කාරයකු බවට මෙය බැහැර කළ නොහැකි සාක්ෂියක් වූ නිසාය. මක්කාවේ සිට ජෙරුසලමට ගමන් කිරීමට අවම වශයෙන් මාසයක් ගත වන බව ඕනෑම කුඩා දරුවකු දන්නා කාරණයකි. එක් දිනක් තුළ ජෙරුසලමට ගොස් නැවත පැමිණීම කිසිවකුට සිතාගත නොහැකි කාරණයකි. කුරෙයිෂිවරු කිහිපදෙනෙකු අබූබක්කර් වෙත ගොස් නුඹේ මිත්‍රයා පිළිබඳව නුඹ කුමක් සිතන්නේද? ඔහු ඊයේ රාත්‍රියේ ජෙරුසලමට ගොස් නැවතත් එක් රාත්‍රියකින්ම මක්කාවට පැමිණි බව පවසයි යන්නෙන් ප්‍රශ්න කළහ. ඊට අබූ බක්කර ඔවුන් බොරු කියන බවට චෝදන කළේය. නමුත් ඔවුන් නැවත නැවතත් මුහම්මද් නබිතුමා එසේ පැවසූ බවට දිවුරා පවසත්ම ඔහු එසේ පැවසුවානම් එය සත්‍යයක් විය යුතුයි. මේ ගැන පුදුම වන්නට දෙයක් තිබේද? දිව්‍ය ලෝකයේ සිට ඔහුට පැයකින් දිව්‍ය වදන් ලැබෙන බව ඔහු පවසන දෑ කිසිදු සැකයකින් තොරව මා විශ්වාස කරමි. මෙය නුඹලා පවසන දැයටත් වඩා විශ්වාස කිරීමට අපහසු කාරණාවකි යන්නෙන් පැවසුවේය. මොහුගේ මෙම විශ්වාස කිරීමේ හැකියාව හේතුවෙන් මුහම්මද් නබිතුමා ඔහුට අස්සාදික් හේවත් සත්‍යය තහවුරු කරන්නා නම් නාමයෙන් ඔහුව ආමන්ත්‍රණය කළේය.