ජූනි මාසයේ ආරම්භයේ වන්දනා සමය උදාවිය. ඈත ප්‍රදේශ වලින් පැමිණෙන වන්දනාකරුවන් මක්කා නගරයට ආසන්නයේ මීනා හි දින තුනක් කඳවුරු ගසති. මෙය අවස්ථාවක් කරගත් මුහම්මද් නබිතුමා මෙම කඳවුරු වලට ගොස් ඔහුගේ දිව්‍ය පණිවුඩය ප්‍රචාරය කිරීමට පුරුදු වී සිටියේය. මෙලෙස දහම දේශනා කරමින් සිටි අවස්ථාවක යත්‍රිබ්හි කස්රජ් වංශයට අයත් සාමාජිකියින් සය දෙනෙකු මුණ ගැසී සාමාන්‍ය පරිදි දහම දේශනා කරන්නට වූවේය. ඔහු මෙම පුද්ගලයින්ව නොදැන සිටි නමුත් ඔවුන් දැනටමත් මුහම්මද් නබිතුමා පිළිබඳව ආරංචි වී සිටියහ. යුදෙව්වන් සමග සමීප සම්බන්ධකම් තිබූ හෙයින් මොවුන් හට යුදෙව්වන් ඇතැම් විට අනාගතයේදී පැමිණෙන නබිවරයෙක් පිළිබඳ පවසා ඔහුත් සමග එකතුවී ආද් සහ ඉරාම්ගේ මිනිසුන්ව මෙන් නුඹලාව ද විනාශ කරන බවට ඔවුන් කරන ලද තර්ජන වලට මොවුන් පුරුදු වී සිටියහ. මේ හේතුවෙන් මුහම්මද් නබිතුමා මොවුනට දේශනා කළ දෑ ඇසෙන විට යුදෙව්වන් පවසන ලද එම නබිවරයා මොහු ද? යන්න පිළිබඳව ඔවුනට දැඩි කුකුසක් ඇති විය. මේ හේතුවෙන් මොවුන් මුහම්මද් නබිතුමාගෙන් ප්‍රශ්න කරන්නට වූහ. ඔවුන්ගේ සියලු ප්‍රශ්න වලට පිළිතුරු ලැබීමෙන් පසුව මොවුනට මොහු එම නබිවරයා යන්න පිළිබඳව තහවුරු වී මොහුමය අර යුදෙව්වන් එන බවට පොරොන්දු වූ නබිවරයා. ඔවුනට කළින් අප මොහුට අවනත වෙමු යන්නෙන් පවසා එම සය දෙනාම එතැනම ඉස්ලාම් දහම වැළඳ ගෙන අප අපගේ මිනිසුන්ගේ දහම අත් හැරියෙමු. ඔවුන් තරම් වෛරයෙන් සහ නපුරු කමින් පිරිහී ගිය පිරිසක් තවත් නැත. නුඹ හරහා අල්ලාහ් ඔවුන් ඒකරාශී වනු ඇතැයි අප විශ්වාස කරමු. අප අපගේ අනෙක් පිරිස්ද කැටුව අප ඔබ වෙත පැමිණෙන්නෙමු. අප නුඹේ දහම විශ්වාස කරාක්මෙන් ඔවුන් සියලු දෙනා නුඹත් සමග ඒකරාශී වූවා නම් නුඹට වඩා බලවත් තවත් කෙනෙකු සිටින්නේ නැත යන්නෙන් පවසා ඔවුන් නික්ම ගියෝය.
දිනක් උත්මාන් ඉබ්නූ මාසුන් නම් ධනවත් සහ මුහම්මද් නබිතුමාට හිතවත් මුස්ලිම් බැතිමතකුගේ කව්ලා නම් බිරිඳ මුහම්මද් නබිතුමා හට ඔහුගේ පළමු බිරිඳ කතීජාගේ අපවත්වීම හේතු කොට තවත් විවාහයක් කරගන්නා ලෙස අවවාද කළාය. මීට මුහම්මද් නබිතුමාණන් කවුරුන් විවාහ කරගත යුතුදැයි ප්‍රශ්න කළ විට අබූබක්කර් ගේ දුව ආයිෂා හෝ සමාහ් ගේ දුව සවුදා ව විවාහ කරගන්නැයි පැවසුවාය. සවුදා වයස අවුරුදු තිහක වැන්දබුවකි. ඇගේ ස්වාමි පුරුෂයා වූ සක්රාන් ඇයත් සමග ඇබිසීනියාවට ගොස් සිට මෑතකදී මක්කමට පැමිණීමෙන් පසුව අපවත් විය. ආයිෂා හට එම කාළයේ වයස අවුරුදු හයක් වූ අතර මුහම්මද් නබිතුමාට වයස අවුරුදු පනහකටත් වැඩි විය. නමුත් මෙවන් වයස් විපර්යාසයකින් යුක්ත විවාහ එම කාළයේ සාමාන්‍ය සිදුවීමකි. මුහම්මද් නබිතුමා මෙම විවාහ දෙකටම එකඟවී විවාහයන් පිළියෙළ කරනමෙන් උපදෙසු දුන්නේය. මේ අනුව සවුදා සහ ආයිෂා මුහම්මද් නබිතුමාගේ බිරින්දෑවරු බවට පත් විය. ආයිෂා පසුකළක කියා සිටියේ ඇයව විවාහ කරදී ඇති බවට ඇය නියමිත වයසට පැමිනෙණ තුරු දැන නොසිටි බවයි. මේ පිළිබඳව ඇය ලද පළමු හෝඩුවාව වූයේ ඇගේ මව ඇගේ යහළුවන් සමග නිවසින් පිට සෙල්ලම් කිරීමට ඉඩ නොදීම බවයි.